الحمد لله والصلاه والسلام على رسول الله
الايام اللى فاتت اتكلمنا عن معنى النجاح فى اول يوم واتكلمنا عن اهميته
لكل فرد فينا
واتكلمنا امبارح عن اول مفتاح من مفاتيح النجاح وهوا الدافع وده حسب تصنيف
الدكتور ابراهيم الفقى عليه رحمه الله
والنهارده هنتكلم عن تانى مفتاح وهوا الطاقه وبرضه حسب تصنيف الدكتور
ابراهيم الفقى عليه رحمه الله
دلوقتى لو واحد عنده دافع لحاجه لكن معندوش طاقه ممكن يعمل الحاجه دى
اللى قال هيعملها صح واللى قال مش هيعملها برضه صح
لكن الموضوع ده بيختلف حسب قوه الدافع
يعنى مثلاً واحد راجع من شغله تعابان وعاوز يقوم يشرب ممكن يدخل ينام
وميشربش
لأنه معندوش طاقه انه يقوم
لكن لو حد قاله البيت بيولع
هتلاقى الطاقه اجتله فجأه
وده زى ما قولنالكم الدافع
النهارده بقا هنتكلم عن الطاقه
حد الاول يعرف الدكتور ابراهيم صنف انوع الناس من حيث النجاح لكام
نوع ؟
طب حيث ان السلسله دى اسمها كبسوله نجاح فهقولهالكم
قسمهم لتلت انواع
1-واحد ناجح من النواحى السته اللى قولناهم فى اول كبسوله
2-واحد ناجح فى الركن المادى بس
3-واحد عايش اضافه لعدد الناس فقط بيبدأ يومه بالسيجاره وتفضل معاه
طوووووول اليوم وده غالبا بيصاب بالسرطان والقلب وامراض تانيه كتير
نرجع بقا لموضوعنا الطاقه
عارفين ايه هيا الحاجات اللى بتسرق من الشخص طاقته
برضه بما ان النهارده بنتكلم عن الطاقه فبرضه هقولهالكم
1-القلق : الانسان اللى بيبقا قلقان من كل حاجه حواليه دا دايما تلاقيه
معندوش وقت انه يتأنى فى انه ياخد قرار وتلاقيه الطاقه بتاعتهع منخفضه
جداً
2-الهضم : ومتهيألى دى مش محتاجه شرح بس هقولها برضه
الانسان لما بيبقا لسا اكل حاجه الدم بيتجه ناحيه الجهاز الهضمى عشان الاكل
يتهضم بسرعه وعشان كده لما كنا بنتمرن كانو المدربين يقولولنا متاكلوش
وتيجو التمرين كل بعد ما تخلص ودا عشان جسم الانسان بيكون فى حاله
خمول
3-الاجهاد : لما الانسان بيجهد نفسه زياده عن اللزوم بتبقا الطاقه بتاعته فى
اقل حد ليها
وعشان كده هنقولكم ازاى ترفع طاقتك
1-ازاى ترفع الطاقه الجسمانيه ؟؟؟
اول حاجه طريقه تنفسك
تعرف ازاى تتنفس
فيه نوعين مهمين جداً من التنفس
أ - التنفس التفريغى : ودى عشان تنقى الدم من الشوائب الموجوده فيه
وطريقته خد نفس عمييييق مع العد لأربعه من الانف واكتمه حتى العد لعشره
وطلعه من الفم مع العد لخمسه
ب - تنفس شحن الطاقه : وده عشان طاقتك تعلى
خد نفس من الانف لحد 4 عدات
طلعه من الفم لحد اربع عدات برضه كأنك بتطفى شمعه
كفايه كدا النهارده وبكره هنكمل باقى طرق شحن الطاقه الجسمانيه والعقليه
والعاطفيه
**** استنونا بكره الساعه 11.45 عشان تعرفو باقى المعلومات
