وسال دمك يا وطن
قِبل الوِلاد
وإنحرق فيك العلم
وأصبح رماد
فين المبادئ والقيم
ولاكان جدار م رمال
ومابين يوم وليله إتهدم
وآه يابلد محتاجه
منا شوية ضمير
من الغنى قبل الفقير
من الصغير والكبير
من طفل لسه ماتولد
وسال دمَــك ياوطن
مابين المدن والحوارى
فى الميدان والصحارى
وآه من ضماير لاتؤتمن
ياناى قول ياله غنوتك
وسمعنى صوت صرختك
وردد معايه ....
فينك ياوطن من قلوبنا
ياسر حزنى ولحظة بكايه
فيك كام خاين وبايع
باع ضميره وقبض التمن
والتمن صرخة أم فـ ليل طويل
ولحظة ميلاد للشجن
يا ام الشهيد قولى يارب
إحتسبته عندك ملاك
يرفرف على باب جنتهُ
ودمه مسك فوق الجبين
انا شامه ريحتك فـ طلعته
وآه ياولد يازهر نادى
على غصن لسه فى الدنيا أخضر
فراقك على عينى وروحى
بس أكيد ع الحزن هصبر


بقلم / تيسير محمد .