توابيت هنا وهناك

فى كُل مكان..

ورجة حيط وتخبيط..

نتقول زلزال فى كل كيان..

ليه بس ياإنسان..؟

لما المصرى بيقتل أخوه..

بإسم الثوره والوطنيه..

طب فــــــين هيه..

دى مش ثوره ولا حريه..

دا وفوضى وعِند وكمان همجيه..

لما الدم فى عروقنا بيجرى..

ليه خطاوينا تدوس مبتبنى ..

نبض عروقنا جوانا بيصــرخ..

كلنا فى حب الوطن إخوات..

فتنه وراحت تعمل مهرجنات..

نسمع صوت على البعد بيدوى..

ياله يامصرى ياله ياإنسان..

تعالوا نحقق حِـــلم رايتنا ..

فـــوق التل أو الميدان ..

قبل الوقت ماِمنا يعدى..

ونخسر أكتر فينا الإنسان..

من أزمتنا تعالوا نعدى..

ونحرر من جوانا الشيطان..

                                                     شاعرة الجبل