بقلم-محمدحمدى السيد
والله يا زمن ما العيب فيك يا زمن
العيب فى أهلك يا زمن والله يازمن
يا أهل الزمن العيب فينا مش فى الزمن
والله يا زمن ما بايديك زرعت الغل فى قلوبنا يازمن
الغل زرعناه فى قلوبنا بايدينا يا زمن والله يازمن
الاستهتار بالغير والغيبة والنميمة بتربى الغل فى القلوب يا أهل الزمن
علشان تعرفوا ان العيب فينا مش فى الزمن يا أهل الزمن
والله يا زمن ما بايديك نزعت الضمير والرحمة من القلوب يا زمن
الضمير والرحمة اتنزعوا من قلوب ناس يا أهل الزمن
ناس بتدبح الغلبان وتسرق كليته وقلبه وكبده...يا شرفاء الزمن
وناس بتخون ناس طيبة يا أهل الزمن 
الراجل بيفتح بيته لصديق والصديق بيغدر والكتير بيقول : "شوفوا الزمن"
والله يا زمن ما العيب فيك ولكن العيب فى أهلك السوء يا زمن 
والله يازمن ما نزعت بايديك الرحمة من قلب الأم يا زمن
أم حبست عيالها التلاتة فى أوضة لحد ماولعوا وماتوا والكتير قال: "شوفوا الزمن"
والله يازمن والله يازمن ما بايديك فرقت بين حبيبين ولا زوجين يازمن
ناس قاسية فرقت بين عشاق وبين أزواج وصار عيالهم فى الشارع ملطشة لحثالة أهل الزمن
وكمان فيه ناس بتاكل من الزبالة علشان مش لاقية يا كرماء الزمن
يا كرماء الزمن شجع التجار والسرقة والنهب والبخل جعلوا الفقير ياكل من زبالة أغنياء الزمن.
وناس تانية مقهورة ومش عارفة تحقق أى طموح ولا أى نجاح ؛بسبب للئام الزمن
للئام الزمن شتتوا عقول ناس وجعلوهم من أفشل أهل الزمن
والله يا زمن ما بايدك زرعت أى شر يازمن 
الشر انزرع بايدين البشر يا شرفاء الزمن
والله يا زمن ما العيب فيك يا زمن