بقلم - الكابتن محمد حمدى
رياض المنفلوطى : يا نهار أزرق على دا ماتش !
أدهم : دا لسه أول مباراة لجهاز الفنى الجديد،يا فندم !
رياض المنفلوطى : نفوز على الحميرالوحشية واحد صفر بالعافية على أرضنا يا أدهم ! يا نهار أسمر ! يا نهار أسمر ! طب هنعمل إيه مع الأسود،والأفيال،والنسور.....؟!
أدهم : يا نهار أسود،يا فندم !
رياض المنفلوطى : دا عدد سكان بتسوانا اتنين مليون يعنى كد محافظة فى مصر !
أدهم : مفيش فرود كويس فى المنتخب،يا فندم !
رياض المنفلوطى : الجون اليتيم اللى جه،الدفاع اللى جايبه فى نفسه،يا أدهم !
أدهم : عندنا مشكلة فى مركز رأس الحربة،يا فندم !
رياض المنفلوطى : مُش عارف كوكا راح المنتخب إزاى؟ ! دا بيشوط بوظ يا أدهم !
أدهم : دا حسين الشحات إدالو كورة بالمقاس بدل م يركبها براسه خدها مِن تحت،وطلعها مِن فوق العارضه !
رياض المنفلوطى : أنا لو مسكت وزيرالشباب والرياضة خمس سنين بس؛بفضل الله هنروح المونديال،و إحنا مرفوعين الراس،مُش فى كورة القدم بس ،لا دا كل اللعبات !
أدهم : إزاى سعادتك ؟!
رياض المنفلوطى : أولًا لازم يكون فى كل قرية ملعب رسمى،ومركز شباب فيه جميع اللعبات .
أدهم : تلت،أربع فدادين يعملوا أحسن مركزشباب فى كل قرية سعادتك .
رياض المنفلوطى : ثانيًا حصة الألعاب هتبقى زى حصة الكيميا،والفيزيا.....يعنى لازم العيال تمارس هوايتها فى المدارس والمعاهد .
أدهم : العيال بتعور بعضها فى المدارس،يا فندم !
رياض المنفلوطى : علشان مفيش حزم،يا أدهم !
أدهم : كرواتيا صعدت نهائى كاس عالم وهية خمسة مليون بس ،يافندم !
رياض المنفلوطى : إحنا عندنا نص الشباب صايع،ياأدهم .
أدهم : علشان مفيش إهتمام بالأطفال؛علشان كدا الشباب بيطلع بايظ،سعادتك !
رياض المنفلوطى : علشان كدا لازم يكون إسمها "وزارة الأطفال والرياضة" !
أدهم : إهدا يا فندم؛علشان شفتك لزقت فى مناخير سعادتك !
رياض المنفلوطى : هو مفيش؛علاج لعصب الشفة غير الحقن يا أدهم؟!
أدهم : لا مفيش سعادتك .
( ملحوظة : تاريخ كتابة تلك القصة،ونشرها على الإنترنت مساء الإثنين الموافق 14أكتوبرمِن عام 2019م )
😃😃😃😃😃