بقلم - الكابتن محمد حمدى
الريس : العضو،مُرجان أحمد مُرجان،يتفضل .
مُرجان : سيادة الريس،فيه تنمر بمركز شباب دسوق،مِن قيبل البعض،وخصوصًا رجال الدولة.....
الريس : وضح شوية،يا مُرجان !
مُرجان : إحنا بنتكلم النهاردة عن كرامة المواطن؛فالمفروض أن الدولة تكون قدوة فى حفظ كرامة المواطن،سيادة الريس فيه ناس بمركز شباب دسوق،واخدين عضوية شرفية فى نادى دسوق الرياضى؛علشان هم ناس مُهمة فى البلد،الناس دى بتيجى تلعب كورة فى الإستاد،بعضهم بيتنمر على خلق الله،مُش بيردوا السلام،وبياخدوا أى حتة تعجبهم فى الملعب،ومُش أى حد يلعب معاهم،و لازم اللى يلعب معاهم ممنوع الإقتراب مِنهم،واللمس،ووشهم مكشر على طول،وكلامهم ناشف،و مُش هم لوحدهم اللى على الحال ده دا قرايبهم بيستكبروا على حِسهم هم كمان،تبص تلاقى اللى داخل مِن بوابة الإستاد نافخ صدره،ولما الكابتن سعد القصاص،اللى قاعد على بوابة الإستاد،يقولهم : "التذكرة،يا كابتن "، يكشروا وشهُم،ويتخنوا صوتهُم للراجل،الموقف ده بيحصل،ويتكرر كُل يوم على بوابة الإستاد،وفى الإستاد؛الناس طفحت مِن الأشكال دى فى الإستاد،يا سيادة الريس !
الريس : طب فين الأستاذ،سامى أبوسعدة،رئيس مجلس إدارة مركز شباب دسوق مِن الكلام ده ؟!
مُرجان : الراجل بصراحة،فى غاية الإحترام،والتواضع،ومحدش مِن قرايبه بيستغل اسمه .
الريس : طب فين مُدير الإستاد مِن الكلام ده ؟!
مُرجان : الأستاذ سيد هلال،مُش بيعجبه الناس المغرورة دى،وخصوصًا أنه وصله أنهم بيقولوا : "إن المجلس مُخالف للقانون،ومُمكن يتحل فى أى لحظة " !
الريس : هنوقف الأشخاص دى عند حدها بإذن الله !
مُرجان : الناس طفحانة،يا سيادة الريس،مِن غلاء المعيشة،و العيشة اللى عيشنها،و مُش ناقصة اللى مرتاح فى حياته،وعمال يدوس على خلق الله !
الريس : فيه خطة مدروسة مِن الدولة لتلبية مُتطلبات ثورة 30يونيه 2013م،وخصوصًا مطلب الكرامة الإنسانية .
مُرجان : شكرًا،يا سيادة الريس،ربنا يكتر مِن أمثال حضرتك،ويقلل مِن الأشكال المتنمرة على خلق الله !
الريس : الشكر لله،يا مُرجان .
(ملحوظة : لقد كتبت تلك القصة،ونشرتها على الإنترنت يوم الخميس الموافق 18 أغسطس مِن عام 2016م )
