بقلم - الكابتن محمدحمدى
منصور : أنا عاوز أكلمكُم فى موضوع خطير؛ومُش عاوز الكلام يطلع بره !
مُصطفى الحلوانى : خير يا أُستاذ منصور ؟!
جاليليو : خير يا أُستاذ منصور ؟!
منصور : خير أن شاء الله،بقى أنا بأفكر أجمد .
جاليليو : هو حضرتك معندكشى تلاجة لسه ؟!!
مُصطفى الحلوانى : بقى مفيش فى بيتك العامر تلاجة ؟!
جاليليو : هو حضرتك بتشرب المية سُخنة فى الحر ده إزاى ؟!
منصور : أنا بأفكر أجمد نشاط كُرة القدم بِنادى دِسوق السنادى؛علشان مفيش فلوس !
مُصطفى الحلوانى : إيه ؟!
جاليليو : أنا مُش مصدق؛دا الكل بيقول أن الخزنة مليانة !
منصور : يا جماعة،مفيش فلوس تكفى مصاريف كُرة القدم السنادى؛فعلشان ما نفضحشى نفسنا مع الناس فنجمد النشاط أحسن !
مُصطفى الحلوانى : قرار زى ده لازم الجمهور يوافق عليه،وأنا مُتأكد مِن أن الجمهور مُش هيوافق أبدًا على قرار زى ده !
منصور : يا جماعة،كُل سنة مُش بنعرف نِسدد جميع حُقوق الناس !
جاليليو : علشان مفيش إستثمار صح؛فلازم يكون معانا ناس فاهمة فى الإستثمار .
مُصطفى الحلوانى : دا نادى دِسوق تاريخ؛دا مطلع لاعيبه تقيلة فى كُرة القدم زى : ( فهمى الوردانى،طه حسين كدش،علاء حسن مصباح،ميمى أباظة،مُحسن إبراهيم هنداوى،محمود خِضر،شريف عبدالنبى النجار،محمد زيدان،نادر جلال، عبيد الجميل،حسام السقا،محسن الزمرانى.....)
جاليليو : كِدا هتقوم علينا ثورة مِن الجمهور؛هَطيح بينا كُلنا يا أستاذ منصور،دا القُرى بقى فيها فِرق بتلعب معانا،وحضرتك عاوز تجمد النشاط !
منصور : طب نعمل إيه؛بس لو سمحتوا مِن غير صوت عالى؛علشان صوتكُم وصل حى عميرة ؟!
مُصطفى الحلوانى : دا أنا هأسمع الناس اللى فى كفر إبراهيم مُش اللى فى عزبة عميرة بس !
جاليليو : دا كرة القدم الِلعبة الشعبية رقم واحد على مُستوى العالم،وإنتَ حضرتك عاوز تُحطها فى الفريزر السنادى؛علشان مفيش فلوس .
مُصطفى الحلوانى : طب حضرتك متحُط كُرة السلة،ولا كُرة الطايرة فى الفريزر بدل كُرة القدم؛ علشان جمهور كُرة القدم أكتر،وإحنا مُش عاوزين مشاكل معاه ؟!
( ملحوظة : لقد كتبت تلك القصة،ونشرتها على الإنترنت،يوم الأربعاء الموافق 31 يوليو مِن
عام 2019م)
