كتب - محمد حمدى
بوجى : تحب تقول إيه للأجيال اللى جية،يا عم شكشك !
شكشك : أحب أقولهم : متجوش أحسن .
بوجى : هاهاهاها ليه بس يا عم شكشك ؟!
شكشك : لأن مصر الدولة الوحيدة اللى فى العالم،اللى بتتأخر مع الزمن،يا بوجى !
بوجى : هاهاهاها إزاى يا عم شكشك ؟!
شكشك : مصر أيام الفراعنة كانت مِن أحسن الدول على مستوى العالم،دلوقتى مصر بتشحت ،يابوجى !
بوجى : عدد السكان زاد،و95% مِن مساحة مصر صحرا،يا عم شكشك !
شكشك : الصحرا بيبقى فيها كنوز،يا بوجى،الصحرا فيها معادن،وبترول،وغاز،وفحم .
بوجى : عندك حق،السعودية،والإمارات،وقطر،والكويت......كانوا صحرا !
شكشك : إشتغلوا،وحولوا بلادهم لجنة،يا بوجى .
بوجى : مشكلتنا الإدارة،يا عم شكشك .
شكشك : للأسف إحنا مِن أسوء الدول فى الإدارة،ومِن أكتر الدول فى الفساد .
