كتب - محمدحمدى
صاصا : غلبوا مركز شباب دسوق،يا بوحة !
بوحة : هو مين الواد ده ؟!
ظاظا : دا صاصا ابن خالتك فوقية،يابوحة !
بوحة : مين اللى غلبوا مركز الشباب ياد ؟!
صاصا : زراعِة ميت عِلوان،يابوحة !
بوحة : مين الواد ده؟!
ظاظا : صاصا ابن خالتك،يابوحة !
بوحة : على مَا أتذكر أنهم غلبوكم على أرضهم،فى الدور الأول 0-1 ؟!
صاصا : وغلبونا كمان النهاردة 1-0 يابوحة !
بوحة : تصدق أنه شبه ابن خالتى فوقية برضو !
ظاظا : خدونا على خِوانة،يابوحة !
بوحة : هُم كانوا مستخبين فى القصب،ياد ؟!
ظاظا : دا إحنا كُنا بنقول : هنشيلهم 6-0 !
بوحة : طب رجعتوا فى كلامُكم ليه؟ ولا هُم مكنوش عاملين حِسابهم أنهم يشيلوا؟!
ظاظا : إحنا كُنا بنقول : إنهم مُش هيجوا،وهناخد التلاتة بونط؛بصينا لاقينا السرفيس بتاعهم واقف قُدام الإستاد الساعة 2:14؛فرجعنا لبسنا بُسرعة،وطلعنا الساعة 2:31،لاقينهم فى الملعب،كُلهم على بعض 11واحد،ومُدرب،قُولنا : هنروقهم؛لإننا عددنا كامل،ومعانا البُدلا،والكابتن محمدزيدان،والكابتن نادر جلال !
صاصا : جابوا فينا جول فى الدقيقة 7يابوحة !
بوحة : هو مين اللى كان فى التشكيل ؟
ظاظا : علاء القصاص،حارس مرمى،وحسين،باك يمين،وفى الشِمال طارق،ومُصطفى حِجازى،وحُصاف،مساكين...
صاصا : الجول جه فى زاوية علاء،يابوحة !
بوحة : هو كان فاول،ولا لِعبة ؟
ظاظا : الجول جه شوطه مِن الجنب الشِمال،فى الزاوية القُريبة،الكُرة خدت إيد علاء،ودخلت !
بوحة : طب وحمدى جودة،ملعبشى ليه؟
ظاظا : كُنا مفكرين الماتش سهل !
بوحة : ياراجل ؟!
ظاظا : وكان فى قلب الملعب،عبدالله بالو فى الشِمال،وأحمد سرور،فى اليمين،ووراهم محمد فى مركز6،وفى الهجوم،يُسرى جناح يمين،وحُسام زيدان،جناح شِمال،ورأس حربة الدكتور الشاملى .
بوحة :حسين،وطارق،والشاملى جعانين كُرة،والمفروض أنهم كانوا عملوا اللى متعملشى !
صاصا : إحنا كُنا بنلعب مِن غير نِفس يابوحة !
بوحة : ياراجل؟! طب كُنتوا جيبتوا حِتة جبنة قديمة،ولاشويةمخلل؛علشان نفسكم تتفتح . باقى شُغل الجهاز الفنى ياد؟
ظاظا : حسين طلع فى الدقيقة 26،ونزل مكانه دويدار فى نُص الملعب،مكان محمد،اللى بقى،باك يمين،وفى الشوط الثانى،طارق طلع،ونزل مكانه علاء عادل زعير،ونزل أحمد ياسر مُصباح فى نُص الملعب جنب سرور،ودويدار،وخرج الشاملى،اللى لعب مكانه عبدالله بالو .
بوحة : كِدا العيب نط وقزع تلاتة مِتر عن المُدربين،والعيب على اللى فى الملعب !
صاصا : الكابتن لوؤى بطاح،والكابتن السيد هِلال،محدش شافهم النهاردة،يابوحة !
ظاظا : ياعم،هى ميت عِلوان كان معاها بُدلا،دا مجاش معاهم غير مُدرب واحد،حتى اللبس مكنشى كامل !
بوحة : ياراجل؟! يعنى فيه ناس مِنهم نزلت بالطقم الداخلى؟!
صاصا: 7مِنهم لابسين اللبس الأساسى التى شيرت البُرتقالى،والشورت الأسمر،والشراب البُرتقالى،و2لابسين،تى شيرت لونه روز،وشورت أسمر،وشراب برتقالى،وواحد لابس تى شيرت برتقالى،وشورت بُرتقالى،وشراب برتقالى،يابوحة !
بوحة : كدا مركز الشباب مُش هيشم الدرجة التالتة !
( ملحوظة : لقد كتبت تلك القصة،ونشرتها على الإنترنت،يوم الجمعة،الموافق 6مارس2020م )
