كتب - محمد حمدى
مسعود : أنا جى مِن الشُغلِ عصافير بطنى بتنهق مِن الجوعِ يا لينا،فيا ترى طبخلنا إيه النهارده على الغدا ؟!
لينا : أنا مَطبختش حاجة يا مسعود،أَصل الوقت سرقنى !
مسعود : مطبختيش إزاى،وكمان ساعة هأخرج؛علشان الشُغل التانى،ومُش راجع إلا بعد العِشا ؟!
لينا : كُنت قاعدة على الفيس بوك مع الأبلة نظيرة،الدردشة معاها هايلة،يا مسعود !
مسعود : تانى الفيس يا لينا،مُش قولنا : الفيس بوك فى أوقات الفراغ بس؟!
لينا : أنا إتعلمت مِن الأبلة نظيرة حاجات كتير فى الطبخِ،يا حياتى !
مسعود : طب،وأنا إستفدت إيه مِن كُل ده؟! أنا عاوز أكُل يا لينا،حرام عليكى !
لينا : ثوانى هأتصل بالديلفرى !
مسعود: مُش عاوز وجبات سريعة،أرجوكى !
لينا : ليه بس يا مسعود ؟!
مسعود : الوجبات السريعة سبب فى أمراض كتير زى السُكر،والضغط،والسِمنة،والسرطان.........!
لينا : بعد الشر ! طب أعملك إيه،يا مسعود ؟
مسعود : إسلقولنا خمس بيضات،على حبيتَين طماطم،وكام زِر خِيار على كام رغيف عيش أحسن،وتعالى نِتغدا .
لينا : بس كِدا ؟! حاضر يا مسعود .
مسعود : وبلاش تخلى الفيس بوك يعطلك عن شُغل البيت؛الفيس بوك خرب بيوت ناس،يا لينا !
لينا : فِعلاً،يا مسعود،فيه ناس إطلقت؛بسبب الفيس بوك !
مسعود : طب مَإنتى عارفة أهو أومال مالِك بقى ؟!
👏😍💯