بقلم - محمد حمدى
منصور : خير يا كابتن شرشر؛إنت جايب اللاعيبه معاك ليه ؟!
شرشر : فيه لاعيبه زعلانة؛علشان تأخير المُرتبات يا حاج منصور !
منصور : أنا كُنت مسافر كوالالمبور فى بيزنس،ولسه راجع مِن شوية !
شرشر : طالما حضراتكم مُش فاضين لنادى،فكُل واحد مِنكم يقدم إستقالته؛لأن فيه لاعيبه ملهاش شُغلانة غير كُرة القدم،وعاوزه تاخد حقوقها أول بأول !
منصور : أُصبر عليا إسبوع واحد بس؛لأنى مسافر موزمبيق؛علشان أخلص شُحنة موز؛لأن الموز محجوز فى الجمارك هناك،و هأخسر 10مليون لو مروحتش !
شرشر : يا حاج منصور،خليكم فى الملايين بتاعتكم،و وسيبوا الإدارة لناس حسه بالغلبان؛إنتوا حضراتكم واخدين الإدارة،ميزة إجتماعية وخلاص،ومُش عارفين إيه اللى بيحصل،أو عارفين،ومكبرين !
منصور : تُقصد إيه بالكلام ده ؟!
شرشر : الإيرادات بتطلع بره،ومعايا إثباتات بكدا !
منصور : أنا صارف مِن جيبى الخاص رُبع مليون جنية؛لأننا فى أزمة،ولو حد بيسرق حاجة هياخد بالجزمة !
شرشر : أنا مُش قصدى عليك،إنت مُشكلة حضرتك أنك مشغول فى تجارتك ،ومُش دارى باللى بيحصل،اللى بيحصل عاوز خبير فى الفحص،والمُراجعة .
منصور : طب أنا هأصرف جُزء دلوقتى مِن المرتبات مِن جيبى الخاص .
اللاعب محمد : يا حاج،أنا مخدش جنية مِن عقدى لحد دلوقتى،وورايا بيت عاوز مصاريف !
اللاعب أحمد : والله لو معايا فلوس لكُنت دفعتها،وخدت الإستغناء،ولعبت فى أى فريق تانى حتى لو فى الدرجة الرابعة !
اللاعب محمود : أنا بأخاف أتصاب محدش يسأل عنى،وأتعالج على حسابى الخاص،وأنا بأستلف هِدوم مِن الناس؛علشان ألبسها دا حتى المكنة بتاعتى أنا بعتها؛علشان أشترى أكل !
اللاعب أحمد : أنا وافد جديد،ونفسى إتسدت عن اللعب بعد ما شوفت اللى بيحصل !
اللاعب يوسف : وأنا بره التشكيل مُش عارف ليه،واللى غايب بقاله 10أيام يجى يلعب ،والمشكلة الكبيرة أنى بأتمرن،ومش بأخد جنية،و بأشحت؛علشان أكل ،وأشحن التليفون ؟!
شرشر : مفيش عدل ،وفيه ظُلم يا حاج منصور؛وإنت راجل حاجج بيت ربنا !
منصور : أنا مُش مسافر موزمبيق ؛وهأقعد أحل مشاكلكم !
شرشر : يحيا العدل،يحيا العدل،إن شاء الله الفريق هيظبط طالما فيه عدل !
( ملحوظة : لقد كتبت تلك القصة ، ونشرتها على الإنترنت ، يوم الثلاثاء الموافق 31 ديسمبر مِن عام 2019 م )
