بقلم - محمد حمدى
رستم : مُبارك،يا زعيم،مُبارك !
الزعيم : مالو مُبارك؛هو مُش مات ؟!
رستم : الله يرحمه !
الزعيم : أومال فيه إيه يا رستم ؟! إنت مصحينى مِن النوم ليه ؟! إنت عارف الساعة كام دلوقتى؛دا الساعة واحدة بعد الضهر ؟!
رستم : فخمتك نجحت بإكتساح رهيب؛إنت حصلت على نسبة 95% !
الزعيم : هو أنا مُكنتش خدت الثانوية العامة؛لحد دلوقتى ؟!
زمباوى : دا الإنتخابات الرئاسية سعادتك !
الزعيم : هو كان فيه إنتخابات ؟!
زمباوى : أه !
الزعيم : وأنا حصلت على 95% ؟!
زمباوى : أه ! والعشرة اللى كانوا مُترشحين قصاد سعادتك خدوا 5% !
الزعيم : و إزاى يا نعيم،ياخدوا 5% ؟! أنا ماخدش 100% ليه ؟!
نعيم : جارى التحقيق سيادتك !
الزعيم : أنا بأشكركم جميعًا على وقوفكم معايا !
رستم : ميرسى !
الزعيم : مُرسى مالو هو كمان،هو مُش مات ؟!
نعيم : الله يرحمه ! مات باللهم،والغم ! رستم بيشكر سعادتك بالفرنساوى .
رستم : جه ميعاد خطاب فخمتك .
الزعيم : أيها اللى،أيها اللى،أيها اللى .........
رستم : الشعب !
الزعيم : أيها الشعب،لقد قمنا،لقد قمنا،إيه اللى إحنا قمنا بيها،يا رستم ؟
رستم : بالثورة !
الزعيم : لقد قمنا بالثورة مِن أجلكم،لقد قمنا بالثورة،وأنا لا أعلم لماذا قمنا بالثورة ؟! فلم نشعر بأى شئ بعد الثورة ! فكل شئ كما هو،بل أكتر مِما كان عليه قبل الثورة؛فالأسعار نار ! ،والعيشة مرار ! والفساد مالى الديار ! ولكن يجب علينا أنا نستعد للأيام الصعبة المُقبلة،سيجئ أيام أصعب مِن الأيام التى نمر بها،والسلام عليكم،ورحمة الله،وبركاته !
رستم : الله ينور،بس ده مُش عيد الثورة،يا زعيم !
الزعيم : ما هية الثورة سبب النعيم اللى إحنا فيه !
رستم : إن شاء البلاد هتنعم بالرخاء فى الفترة الرئاسية المُقبلة؛بإذن الله هيبقوا عشر سنين فل !
الزعيم : هو النور طفى ليه ؟!
رستم : دا ميعاد طفى النور فى المنطقة !
( ملحوظة : لقد كتبت تلك القصة،ونشرتها على الإنترنت،يوم الثلاثاء الموافق 19 ديسمبر مِن عام 2023 م )
😃😃😃😃👏👏👏👍👍👍👌👌👌🫵🫵🫵