بقلم - الكابتن محمد حمدى
رياض المنفلوطى : الفريق عمل نتيجة زى الزِفت تانى،يا أدهم ؟!
أدهم : خسر النهاردة مِن شباس الشُهدا بهدف نضيف !
رياض المنفلوطى : نضيف ولا وسخ،أنا شفتى رفعت تانى،يا أدهم !
أدهم : دا كانت زى الفُل فى الماتشَين اللى فاتوا !
رياض المنفلوطى : طب إيه الحل،أنا مُش عارف أبوس مِن أول الموسم،يا أدهم ؟!
أدهم : لابد مِن وقفة مِن الجميع !
رياض المنفلوطى : ما أنا واقف على طراطيف صوابعى مِن أول الموسم !
أدهم : بس غيرك مكبر دماغه،والمصيبة الكبيرة أن فيه ناس عاوزة الفرقة تهبط درجة رابعة !
رياض المنفلوطى : دا فيه ناس إترحمت على كُرة القدم فى دسوق،يا أدهم !
أدهم : بصراحة عندهم حق؛شباس الشُهدا معندهاش رُبع الإمكانيات،وصعدت معانا وغلبتنا كمان !
رياض المنفلوطى : طب إيه السر فى كدا ؟!
أدهم : فيه تعاون بينهم،وحُب،أكتر مِننا،يا فندم !
رياض المنفلوطى : أنا شفتى جابت أخرها !
أدهم : لازم تاخد الحُقنة قبل الماتش،وبعده؛علشان لسه مركزالشباب هيفتتح الدرجة الرابعة الجُمعة اللى جاية !
رياض المنفلوطى : يا نهار أسمر،هو لسه فيه فرقة كمان ؟!
أدهم : نهار أسود،دا مُشتركة فى الدورى لأول مرة،وهتلعب بالشباب،يا فندم !
رياض المنفلوطى : ما يمكن الشباب يعملوا حاجة !
أدهم : كانت نتايجهم فى الدورى بتاعهم وحشة !
رياض المنفلوطى : ما هو إحنا عندنا ناس كده برضو،خلينا فى النادى،وخلاص، يا أدهم !
أدهم : عُمر النادى ما هيصعد،طالما مفيش حُب،وفيه فساد وإهمال،يا فندم !
رياض المنفلوطى : أنا بقول : "إنهم يسيبوا الكُرة؛ويشوا بطاطا أحسن " !
أدهم : موسم الفضايح الكروية !
رياض المنفلوطى : أنا مُش مصدق بقى القرى بتوعنا اللى عندهم ربع الإمكانيات بيلعبوا معانا،ويغلبونا كمان !
أدهم : دا لو بقيت قُرى،وعِزب دسوق عندهم ملاعب زى سنهورالمدينة؛كان زمان فضحتنا بجلاجل !
رياض المنفلوطى : أنا بقول الجماعة بتوعنا : " يشوا بطاطا،ولا إنت عاوزهم يشوا دُرة ؟! "
أدهم : يبيعوا سبح،وطواقى،يا فندم !
(ملحوظة : لقد كتبت تلك القصة،ونشرتها على الإنترنت،يوم السبت الموافق 30 نوفمبر مِن عام 2019م )
☺️☺️⚽️⚽️⚽️