بقلم - محمد حمدى
بوجى : هية إنجازات الثورة إيه،يا عم شكشك ؟!
شكشك : 25يناير،ولا 30يونيه،يابوجى !
بوجى : الإتنَين،يا عمو !
شكشك : مازلنا فى حالة هدم لنظام مُبارك،ونظام الإخوان،يا بوجى !
بوجى : مُش باين أن هيبقى فيه إنجازات خالص،يا عم شكشك؛دا المُخدرات بقت بتنباع فى الشوارع،زى الأيس كريم،والترمس !
شكشك : الأعداء بالداخل،والخارج،مُستغلين حالة الإضطراب اللى إحنا فيها،يا بوجى؛فلازم ننتبه لكده !
بوجى : طب،والأثار اللى عمالة تتهرب على بره؛دا إتهرب لحد دلوقتى يجى سدس أثار مصر !
شكشك : ولا السدس،ولا حاجة،يا بوجى !
بوجى : التمن،يا سيدى،ولا تزعل ! 😄
شكشك : مصر هتصمد،يا بوجى،بإذن الله !
بوجى : طب إيه رأيك،يا عم شكشك،فى فساد الوحدات المحلية،اللى زاد عن أيام مُبارك،يجى خمس مرات ؟!
شكشك : هيبقى فيه إنتخابات محليات،وبعون الله،الرقابة هترجع تانى على المحليات مِن خلال المجالس المحلية !
بوجى : بس الإنترنت،والدش ساعدونا كتير فى الثورتَين؛ يا عم شكشك !
شكشك : أه،طبعًا ساعدونا كتير !
بوجى : هو إنتوا زمان كنتوا عايشيين مِن غير نت،ودش،إزاى،يا عم شكشك ؟!
شكشك : زى ما إنتوا عايشيين دلوقتى مِن غير أخلاق،يا بوجى !
بوجى : هاهاهاها هو إنت كُنت بتشخر لمين إمبارح،يا عم شكشك ؟!
شكشك : أنا ما كنتش بأشخر،يا قليل الأدب؛دا أنا كنت بأسلك مناخيرى !
بوجى : بس دا الشارع كله سمع الشخر،والزعيق إمبارح،يا عم شكشك !
شكشك : أه؛دا بتاع العيش مرة يجبلى العيش ناقص،ومرة مهرى،ومرة مُش بيجى خالص !
بوجى : بس دى مُش أخلاقك،يا عم شكشك !
شكشك : الضغوط الإجتماعية،والمعيشية بتعمل أكتر مِن كده،يا بوجى !
بوجى : هو فيه أمل أن الحال يتعدل ؟
شكشك : لو مفيش أمل فيه سحر،يا بوجى !
بوجى : هاهاها هاهاها دا إنت شقى خالص،يا عم شكشك !
(ملحوظة : لقد كتبت تلك القصة التى تعبر عن الوضع الذى كان بعد ثورتَى 25يناير2011م، وثورة 30يونيه2013م،يوم الأحد الموافق 1سبتمبر مِن عام 2013م)
😃😃😃
😄😄😄
