بقلم - محمد حمدى
السيد ضاهى : مبروك عليك المنصب الجديد،يا صلاح .
صلاح : الله يبارك فيك،يا أستاذ سيد،على فكرة إنت ليك كُل الصلاحيات !
السيد ضاهى : هو مال وشك وارم كده ليه ؟!
صلاح : دا لسه واحد مِن الجماهير ضربنى بالشلوت فى وشى دلوقتى !
رسمى : دا الكرسى هياكل مِنك حِتة،يا حضرة الناظر هاهاهاها .
صلاح : هو إيه الأوراق دى كُلها،يا أستاذ سيد ؟!
السيد ضاهى : دا كشوفات بالمصروفات،والإيرادات الخاصة بالنادى،جايبهم لسعادتك تمضى عليهم .
صلاح : هات،يا أستاذ سيد،هات،أنا نفسى أمضى على ورق !
السيد ضاهى : ده الكشف الخاص باللاعيبة الأساسية اللى لعبت ماتشيين،ونامت فى البيت .
صلاح : ما شاء الله،دا واخدين مُعظم الإيراد !
السيد ضاهى: وده الكشف الخاص باللاعيبة الجديدة،كل لاعب واخد 20 ألف .
رسمى : دا شكله مُش فاهم حاجة هاهاها !
السيد ضاهى : إسكت أصل يسمعنا .
صلاح : هات الكشف الأولانى،يا أستاذ سيد .
السيد ضاهى : ليه ؟!
صلاح : أنا عاوز أدى للحارس الأساسى 90 ألف جنية .
رسمى : دا هاهاها عاوز يدى لوليد 90 ألف جنية !
السيد ضاهى : إخرس هتفضحنا الله يخرب بيتك !
صلاح : إنت بتقول حاجة،يا أستاذ سيد ؟!
السيد ضاهى : لا مفيش حاجة،إتفضل الكشف الأولانى سعادتك .
صلاح : هات اللى بعده هات،أنا عاوز لسه أمضى،وأختم بالختم .
السيد ضاهى : روح يا رسمى،هات شوية ورق مِن جوة .
رسمى : حاضر هاهاهاها .
السيد ضاهى : هأخلى دسوق تلعب يوم الجمعة الموسم اللى جى،يا صلاح .
صلاح : وهو ده اللى أنا عاوزة،يا أستاذ سيد؛لأن يوم الجمعة بيبقى أجازة عند كل الناس .
السيد ضاهى : وهنشترك السنة اللى جية فى الدورة الرمضانية بتاعت شباس الملح .
رسمى : إتفضل الورق،يا أستاذ سيد .
السيد ضاهى : ده الكشف الخاص بعقود اللاعيبة اللى إتعقدنا معاهم فى شهر يناير .
صلاح : بس دا الكابتن محسن هنداوى،واخد أقل واحد فيهم .
السيد ضاهى : دا كبر فى السن،محسن عنده 43 سنة !
صلاح : بس الكابتن محسن مؤثر فى الملعب،دا تاريخ .
رسمى : دا شكله هينخرر ورانا ؟!
السيد ضاهى : وده الكشف الخاص بتسريح مواليد 2006 .
صلاح : بس دا،يوسف أبو السعد -أوباما-،ومحمد عثمان -الحارس-،ومحمد على مبارك -لانشون-،كانوا شايلين الفرقة فى الدور الأول،دا كده الكابتن هانى رجب،هيزعل مِننا،دا لسه عنده مربى،و جبنة !
رسمى : دا صلاح زى أبوه !
السيد ضاهى : إتفضل برة دلوقتى،يا رسمى .
