شهرزاد : بلغنى أيها الملك السعيد،ذو الرأى الرشيد....أنه حدثَ زمان ، فى مملكة ساسان ، التى إنتشر فيها أكل مال الأيتام ، أن مات أحد الرعية ، وترك خلفه،ولد،وولية،وأخان ،أحدهُما ،أخلاقه ،مُش تمام......
حنان :يا سرحان ، يا سرحان ، يا سرحان .
سرحان : نعمَين ، يا أُمى، أى خِدمة ؟
حنان : مفيش أكل فى البيت ؛ فروح يابنى ، لعمك سمعان ، وهات مِنه الحِساب .
سرحان : يادى الحِساب ، ياأمى ،الحِساب مع عمى سمعان مُشكلة !
حنان : معلش ياسرحان ،يابنى ، كُلها كام عام ،وهتبلغ الواحد ،والعشرين عام ؛وهنرتاح مِن وصاية ،عمك سمعان !
شهرزاد : وذهب سرحان ، ذوالخمستاشرعام ، إلى دُكان ،عمه سمعان......
سرحان : صباح الخير ، يا عمى .
سمعان : صباح النور ، يا خويا ، صاحى بدرى ليه ؟!
سرحان : مفيش أكل فى البيت ،يا عمى !
سمعان : طب وأنا مالى ؟
سرحان : الحِساب !
سمعان : 7*6 بكام؟!
مُرجان : بلاش سُخرية يا سمعان، ياخويا !
سمعان : إنتَ أبوك ،مرة ، يا سرحان ، ضربنى شلوت ،ودانى أسيوط !
مُرجان : بلاش غِل ،وحِقد ، يا سمعان !
سمعان : مفيش معايا غير ،عشرين جنية، قولى يا سرحان ،رأيك إيه ؟!
سرحان : مفيش أكل فى البيت ،يا عمى !
مُرجان : إمسك ال 100جنية ،دى يا سرحان .
سرحان : شُكرًا يا عمى ، أنا رايح لأُمى !
مُرجان : مع السلامة ،يابنى !
سرحان : الله يسلمك ، ياعمى !
مُرجان : بلاش فضايح ، فى المملكة، يا سمعان !
سمعان : هو إنتَ نسيت ؛ اللى كان بيعمله ، سعفان ،زمان فيا ؛ دا كان مرة هيقلع عنيا !
مُرجان : بلاش حِقد ،وغِل ، يا سمعان ؛ علشان الأولاد يطلعوا يحبوا بعض ، كِدا سرحان ، هيكره ابنك ، عُثمان،وأُخته ، شهد الزمان ؛ دا إنتَ كُنت زمان ، وإنتَ عيل ، كنت شيطان !
سمعان : عندك حق فى دى ، يا مُرجان !
مُرجان : دا فيه ناس هِنا فى مملكة ساسان ، بيجيبوا مِن الملاجئ ، أيتام ، مُش مِن لحمهُم ،ودمهُم ،ويربوهُم ؛ وربنا بيبارِك لهُم ،وبتبقى عيشتهم تمام التمام !
سمعان : أخر مرة هأماطِل فيها سرحان .
مُرجان : كِدا تمام ، بلاش يا خويا، نكون زى الناس الوحوش اللى فى المملكة مبيرحموش ، دا أخوك سعفان ،مات بالكِبد عيان !
شهرزاد : وتغير حال ، سمعان ، وصار ،تمام التمام ؛ولما بلغ سرحان ، الواحِد ،والعشرين عام ، رُفعت عنه الوصية ،وتسلم مال أبيه سعفان ،وصار عيشته هنية ،وتزوج مِن بنت عمه سمعان ، شهد الزمان ، وخلفا صُبيان ،وبنات .
الديك : #كووووووووووووووووووووك كوك .
شهرزاد : الديك صاح،والفجر لاح ، إلى الغد، يا مولاى .
شهريار : إلى الغد ، يا شهرزاد .
