الأبلة : مِن الخواص الفيزيائية للماء : أنه عديم اللون ، وعديم الطعم ، وعديم الرائحة .
بهجت : المية ليها لون ،وطعم ،وريحة، يا أبلة !
الأبلة : يا بهجت ،عُلماء الفيزياء توصلوا إلى أن الماء عديم اللون ،وعديم الطعم ،وعديم الرائحة .
مُرسى : كلام بهجت صح ؛لأن المية عندنا ليها طعم ،ولون ،وريحة !
الأبلة : المية كُلها ليها خواص واحدة !
بهجت : أنا عاوز أسألِك سؤال !
الأبلة : إتفضل إسأل، يابهجت !
بهجت : المية عندِك فى البيت بتنزِل مِن الحنفية ملهاش لون ؟!
مُرسى : لونها زى مَ يكون متعكر .
الأبلة : أه أحياناً !
بهجت : ومُش بيبقى ليها طعم أحياناً ؟!
الأبلة : أه !
مُرسى : وأحياناً مُش بيبقى ليها ريحة ؟!
الأبلة : أه !
مُرسى : طب كاتبين فى المناهج أن الماء عديم اللون ، وعديم الطعم ،وعديم الريحة ليه ؟!
الأبلة : بس هى دى خواص الماء !
مُرسى : هو فين الماء؟! أنا عاوز أعرف فين الماء؟ الماء كُله ملوث ،ومنيل بستين نيلة !
بهجت : يا أبلة ،خواص المية إتغيرت مِن التلوث !
الأبلة : التلوث شئ طارئ !
بهجت : شئ طارئ ؟ دا فيه قُرى على طول مية الشُرب فيها منيلة بستين نيلة !
الأبلة : يا جماعة، إحنا كِدا بنخرج عن موضوعنا؛والجرس هيضرب بعد خمس دقايق !
مُرسى : يا أبلة، إحنا بنزعل لما نعرف أن حقيقة المية أنها ملهاش لون، ولا طعم ،ولاريحة !
بهجت : التلوث سبب رئيسى فى إنتشار الأمراض ؛لأنه بيدمر فى الكَبد والكُلى !
الأبلة : عندكم حق، ياشباب !
مُرسى : إحنا مصدقين اللى فى الكُتب، والله،بس الواقع مُر !
بهجت : التلوث غير الخواص الفيزيائية ،والكيميائية لجميع المواد، والعناصر .
الأبلة : أنا هأحضر ماجستير ،ودكتوراة فى كيفية التغلب على التلوث !
مُرسى : يُنصر دينك !
بهجت : هو ده الكلام .
