لو البارتشن اتفرمت بطريقة غلط وانت محطتش أي داتا عليه ..
فبنسبة 85% هترجعلك الداتا اللى مسحتها تاني بنسبه فقدان بسيطه !

علشان تفهم الـ restore للداتا بيتم ازاي ,
لازم تفهم المبدء الخاص بالـ formatting بيتم وبيمشي ازاي !
هي الداتا ايه ع الجهاز ؟ مش 0 و 1 !!! تمام كدا ؟!

كل اللي بيحصل في الـ formatting العادي انك بتعدل علي الـ System Information للبارتشن انه يقري المساحة دي فاضية - بس في الحقيقة الداتا بتفضل زي ما هي لغاية ما حضرتك تيجي تحط داتا تانية ف المساحه الفاضيه دي
وبالتالي بتعمل replacement او استبدال للداتا للقديمة بالجديدة مش أكثر .. !

لكن علشان تفرمت الهارد مثلا بتاعك نهائيا وترجعوا كل أصفار (يعني مفيش داتا)
دي حاجة اسمها
Zero Restoring او LOW LEVEL FORMAT أو ZERO LEVEL FORMAT
ودي بتاخد ساعات - لدرجة انك بتسيب الجهاز يخلص وتنام انت , لانها تقريباً بترجع الهارد كله لوضعيه ضبط المصنع ومن أمثله اللى بيعمل كدا ( Darik's Boot and nuke ) وبرامج كتير بتعمل الموضوع دا .

ودي بتبقي أحسن طريقة لو هتبيع اللاب بتاعك مثلا علشان اللي هياخده منك ميرجعش الفايلات الخاصة بيك من عليه تاني !

دول 4 برامج مجانية للـ Recovery ممكن تستخدمهم لو اتزنقت ف ارجاع ملف ..

http://goo.gl/TctpdB
أو
http://goo.gl/VOFvvZ
أو
http://goo.gl/pWzSmy
أو
برنامج Recuva الشهير بنسخته المجانيه