وحشاني تأليف الحسيني الطاهر (1998)
وحشـــــــــــاني وحشـــــــــــــاني
أمَّا إنتِ وحشاني يا مالكه وجداني
ياللي مكانك في العيون نني
ياللي بتجرى في العروق دمي
ضي العيون وغالية يا أمي
و إنتِ اللي وحشاني
أقولها من تاني يامنورة الدنيا
وحشاني وحشاني ميت مرة في الثانيه
يا بدر لياليه كلمة أحبك صغيرة شويه
قربك ربيع تاني خريف لذنوبي
عينيكي وهباني الضيِّ لدروبي
يا ساكنة في العالي قربك يدفيني
يا كل موالي هجرك على عيني وبجد وحشاني
أنا ليه مين غيرك يا كُلْ أحبابي
ولا فيه حنان غيرك بابك دا محرابي
بحر العطا إنتِ و إنتِ اللي فهماني و إنتِ اللي وحشاني
تمحي سواد الليل بكلمة من قلبك
أنده اقول يا حنان القى الحنان دربك
إتباعدت لايام لا بيدي ولا يدك يا غاليه وحشاني
ساحة النقاش