تفاح امريكي
تاليف الحسيني الطاهر
تفاح أمريكي شارب من البترول
أملا ضلوعك كل منه وتهنا
كل منه تفاحة وأخرج من الجنة
سنة أبوك أدم وطبق السنه
لونه بدم أخوك يا ريحته يا طعمة
يا عربي ما أغباك إنت دافع تمنه
التفاح الامريكي
البذرة من أرضك وتمنها بير بترول
ويا جي على عرضك والذل لبسه يطول
يا عربي بص وشوف ده حتى مفيش غربال
واضحة ظاهرة الحروف وأنت ولا ع البال
مكتوب في وسط السطر إن أنت صيد وثمين
تبكي تقول مسكين طب إبكي يابو المساكين
تبكي وبضيع منك حتة ورا حته
وأنت البعيد غرقان فى اللحمة والفته
عيني على السامعين واللي رضي حالي
أنا غزة أنا بيروت بصرخ بصوت عالي
التفاح ده من دمي وأخويه يا أمي
هوه الل شاري الارض والبذر والميه
وجم الحرامية باعوه ليه تاني
وكتفوا إيديه وملصو وداني
بس اللسان صاحي حصرخ أنا ديكي
يا أمتى الغالية يا مين يصحيكي
ساحة النقاش