جارى التحميل
استخدم زر ESC أو رجوع للعودة
سماره
سماره يابنت الحارة
يازينة الحتة وكل الحى
شاوريلي بأى إشارة
ياللي فى حسنك مالك زى
...............................
لو بس تميل ياجميل
تبقى عملت جميل
ومسيري أردولك
أنا حالي من غيرك حال
على طول مشغول البال
وقلبي وهبتولك
.................................
سماره يابنت الحارة
يانجمايه وقمرايه
هلي وطلي عليا
إديني بس أمارة
أنا قلبي سمك فى الميه
وإنت عنيك سنارة
...........................
خبطت على باب قلبك
غصب عني بحبك
قوليله يفتحلي الباب
الحب ياروحي مش لعبة
وحياتي من غيرك صعبه
والهجر عذاب فى عذاب
..................................
ياساكنه الدور العالي
أنا رايدك تبقي حلالي
وأشوفك ليل ونهار
ولا انت عشان ياغزال
بتحب لوم العزال
هتسيبني أنكوي بالنار
بقلم طارق السيد
مجلة همسات سندريلا مجلة ادبية شاملة تهتم بنشر ابداعكم فى شتى المجالات
