<!--
<!--<!--
ليه يادنيـــا محيرانى
والالم بتزيدى فيه
اتركه وابعد ثوانى
القى نفسى باجرى ليه
وان تركنى الهم يحزن
ولو فرحت مابقاش ناسيه
وان داريت الجرح عنه
دمع عينى يكشفنى ليه
حتى قلبى باكى عشانى
يشتكى م اللى يلاقيه
وان ضحكت فى يوم ثوانى
دمعتى تبكى عَلِيِه
اشكى مين ياللى ف مكانى
قول ياصاحبى لو لاقيه
حيرتنى دنية امانى
كذبها ما تداريه
كذب مفضوح المعانى
غش آسي للى شاريه
الف وجه والف جانى
والبرئ مجنى عليه
والقوى واخد مكانى
والضعيف مقهور يابيه
واللى كان موسى زمانى
يبقى فرعون عم ليه
والوديع يطلع انانى
والنبيل يطلع شَبيه
الف رحمه ع اللى منانى
واللى خان واللى أنِيه
والصبر اللى دوانى
واتخدعت ولسه فيه
ليه يادنيـــا محيرانى
والالم بتزيدى فيه
ليه يادنيـــا محيرانى
والالم بتزيدى فيه
ساحة النقاش