جارى التحميل
استخدم زر ESC أو رجوع للعودة
طَبّلى وشد الدربوكة . .ولايمّنى أوام ع الفكة ..انا عقلى اصبح ترالالى . ودليلى تاه ..واحتار .. والدنيا رقصت ياحلولى ... والباشا بقى زمار .. بتبرشم من غير حاجة . .وبشم كولة سذاجة . .والتوهه صبحت كاسى . .فى كلام كله آلاجه.. يقولوا دستور ادستر . .والهوجه الجمعة الجاية ... اشربها كمان واتبستر . .لوابعد تجرى عليا .. حشرات وضفادع كبرى .. وافاعى وديناصورات .. وكلام من سينا لشبرا .. مش عاوز ميكرفونات ... دماغنا راحت ف العالى . .وسبرتو وريشة وصبره.... وسلاح طلع من مالى .. وسرنجة وغرزة وغابرة ... هاهئة هؤأهئية .. ياصباح القشطة البلدى .. .رقصنى وقول ياحدوقه .. .انا روحى لابنى وولدى ... القيمة بقت باباى .. وادبنا ركب المترو .. والحشمة بقت فى هاواى ... وبغيرنا يجوز يتستروا ... دوخنى يلا وشممنى ... ماخلاص الفايدة سلام ... مين غيرك هيعممنى ... ده غريبنا والله حرام ... مافضلشى غير رأئى ... وصوتى بقى مبحوح ... اسبقنى يالا اسبقنى ... وبلاش تصبح مفضوح .. .افرض رأيك بالقوة .. .لو اخالفك او اعارض ... انت فى الاصل فتوة ... جبار بتتمارض... ماخلاص مش عاوزة فكاكة ... ولاخطة ولا ندوات ... الاهبل يلزمله عراكة ... وغرامة وشرا اصوات ... دوس ياله ياله عليا.. .وساعدنى لمر الحاجة .. ادينى شنطة هدية .. وطبيب لو حتى خواجة .. .خلينى بجهلى اتمتع . .لجل عيونك وعيونهم .. خدنى فى حضنك واطمتع ... شارينى ومش هتخونهم .. .امية وجهل عشانى ... ورغيف ناشف متحجر... ودموعى تكون سابقانى ... دانا لازم ليك اتشكر . .وتمام كله تمام . .للعيشة والاستقرار ... مين فينا عاوز برشام ... او فول بالزيت الحار ... اهى دوخة وكله بينفع .. وسموم مش عارف فين ... لو تاكل دوغرى تبرطع ... تشوف عينك شبرين .. .ياسلام ع الرقص البلدى ... والطبلة وياها صاجات ... انا اصلى احب البلدى بلا خوته بلا انتخابات
المصدر: الكاتب والشاعر سمير احمد القط
ساحة النقاش