مش عاوزنى 
يا الله بوسنى وارمى طوبتى 
خلف ضهرك
هو فيه ف العمر باقى 
تستضفنى 
فوق سفينتك 
أو ف بحرك 
شوف جنابك 
الهوى نبت المشاهدة 
والمناهدة تهد حيله 
لو بإيدى 
أو بإيدك 
تنطوى له رغم سحرك
كنت خطيت الحواجز 
والمراكز 
والجزر 
حبك أمر 
والمحيط مالوش شطوط 
ليه بتبنى بينا دايما 
عنكبوت 
ليه تجنِّد موجة عامية 
أو رياح تحمل ف موت 
مش عاوزنى 
صفى روحى من دماك 
وانتظر دابة قيامتك 
والحجر بانده لى يالله 
خد بتارك 
ايه يساوى وانت بتلم 
ف ورق 
عرى القلوب 
اشرب طقوس البعد وانهج 
وانت بتجهزحروب 
لا النسيم هايزور مخاضك 
وانتهاضك بالنحيب 
البلاد تعرف صحابها 
وانت متغرب ف ذاتك 
جرتك تملاها عندك 
ثم تطلقها بفلاتك 
مش عاوزنى 
يالله بوسنى واحتشم 
مش هابيعك يا يهوذا 
وانتظر انك تتوب