هاعيش اللحظه ..
هاشوف الدنيا بعيون تانيه
هاعيش اللحظه .. واعيش الثانيه
كفايه ياقلبي تعيش اوهام .. وكﻻم ف غرام .. وشوق وهيام
ضيعنا سنين .. ف أنين وحنين .. دايرين .. دايبين ف عيون جانيه
لو كنت يوم تسمع مني ..
إيه آخر آساك .. قول .. فهمني
تعشق وتدوب .. ومع كل شروق أو حتى غروب ..
بتبات مغلوب .. ﻷ .. عنه نتوب .. وانت المرغوب في عيون تانيه
إللى بتهواه .. وﻻ حاسس بيك
ﻻ عمره هواك .. وﻻ كان يوم ليك
له ياما إديت .. ضحيت وراعيت .. وراجع بتقول ..
ياريت ما هويت .. وﻻ كنت مشيت .. سكته ثانيه
