زَفِة عريس للجنة
يا اللي أنين الألم
منك بيكويني
يا أبني يافجر إترسم
والضي لعيوني
خانك خسيس وجبان
ووشوش ب مِيتْ لونِ
فاكريني بفراقك
بالجرح كسروني
عهد وعليا أمانة
ولا يوم يذلوني
فاكرينه نَعش وعَدَّى
مش نَعش دي شجوني
طايرة علي أرض خضرا
مفروشة بجفوني
والأرض متحنيه
من دمك الجوري
والحِنة مصرية
من ضيها لوني
ياطير وبيرفرف
جِنحاته ستروني
زغروطة وسِمعتها
تاهت فيها ظنوني
زفة عريس للجنة
والكل هنوني
