الوصيه ..
قولوا ﻻبنى .. لما يكبر ... اسم مصر مش قليل
أن مت مره .. والﻻ اكتر ... عمرى ماهاوفى الجميل
قولوا ﻻبنى .. يكفي إنى ..
اﻻسم مصرى .. والجنس مصرى .. والبطولة ليا حصرى
قولوا ﻻبنى .. انه يشابهنى .. وفيها يبنى .. ويعدى بيها المستحيل

قولوا ﻻمى ..
اوعى تبكى .. والﻻ تشكى .. يا مه احكى
ﻻبنى عنى ..ويالﻻ اجنى ..
ثمرة ربايتك .. دى الحكاية تشبه حكايتك .. صوره مرسومه ف مرايتك
هو أنتى حبك .. عايز دليل ؟

يابا .. ابنك من ضهر راجل
وابنى .. برضه .. هيبقى راجل
هايكون سﻻحه .. هو كفاحه .. وفيه فﻻحه
أصل يابا .. من غير زياده .. الرياده .. فينا عاده
نابعه م الهرم والنيل ........