نفس المكان ..و إنتي و أنا ..

و البحر و اليل و الغنا ..

لسه الضفاير فوق كتافك مفرودين ..

لسه الطريق حاضن قلوبنا المشتاقين ..

لسه الحنين بيشدنا ..

لسه الطريق بيهدنا ..

نفس المكان ..

قلب و خطف بنت الجيران ..

بحب أقوي من زمان ..

كل إلي باقي في عمرنا ...

إنتي و أنا .. حبه سنين ..

و نقول لمين ؟ يسمعنا مين ؟

نفس الميعاد .. وقت القا ..

فرحة قلوب متشوقه ..

طب لسه فاضل إيه بقى ..

لمسه إدين ؟

ما يهمنيش الشعر شاب ..

ما دمنا قلبين فرحنين ..

ما يهمنيش لوم أو عتاب ..

ما دمنا رجعين مشتاقين ..

ميهمنيش .. غير كلمة تجمع قلبنا ..

إنتي و أنا ..

قلبين و وردة ما بين كتاب ..

حرفين و سهم و ليل عذاب ..

مليون سؤال من غير جواب ..

و ليل طويل .. مع عمر غاب ..

بنت الجيران .. بيتها القديم ..

تسجيل شرايط عبد الحليم

بيشدني .. بيهدني .. بيهزني .. 

رعشه إديها البردانين ..

رقصة قلوبنا الدفيانين ..

وقت الشتا .. لحظة مطر ..

أصعب خبر ..

أنوار تزين حينا

و عريس هيخطف حلمنا ..

إنتي و أنا ..

و دموع تغرق حضننا ..

و الدبلتين ..

صرخه ألم ... مع نظرتين

كان الوداع .. بكلمتين ..

في يوم هنتقابل هنا .. إنت و أنا .. 
بقلم : مصطفي تيسير