بحبك يامصريا حلوة وبهية في كل عصر
وبعشق ترابك وأرضك يا مصر
ودايما بعيش في حماكي يا مصر
في بيتك في شارعك في عشة في قصر

حبايبك كثير وقلبك كبير ودائما 
تحني علينا يا مصر
بحبك يا مصر يا حلوة وبهية في كل عصر

وعمرك ما تحني أبداً جبينك وكل الأحبة بتشرب من نيلك

وكل الأشقا تريدك 
وجامعة الأخوة في حضنك يا مصر

سبحان من زود بهاك وحلاك 
يا مالكة روحي وقلبي في هواكي

بحبك يا عمري اللي جاي واللي راح 
نضحي في حبك بأغلي الأرواح

بحبك يا مصر يا حلوة وبهية في كل عصر

تفوت عليكي العصور والدهور 
ومهما عليكي الدوائر تدور 
تقومي عفية قوية أبية 
صبية فتية كيف النسور

ومجدك مخلد في كتاب مسطور حروفه مضيئة كلها بالنور

ولادك أهم أديب وطبيب في كل المحافل جراحك تطيب

رياضي قيادي عليهم يشاوروا يقولوا ده مصري حبيب وقريب

بحبك يا مصر يا حلوة وبهية في كل عصر