جارى التحميل
استخدم زر ESC أو رجوع للعودة
قولت خلاص واهى بكره هتفرج
هم يومين وخلاص هتخرج
وابق برنس
ليا شهاده وقيمه بزياده
وبالاهمال انا مش راح احس
هتوظف مش اى وظيفه
حاجه تليق بشهادتى ظريفه
ومحدش لكرامتى يمس
الله يامصر عليكى عظيمه
وشك ما بيعرف تكشيمه
ومفيش حاجه بخلع الدرس
كله تمام والاشيه اهى معدن
مهما يقولوا عليكى مش بسخن
دا انتى الاولى ف فتح النفس
عدا يومين من بعد يومين
شعرى اهو شاب
واتاريها سنين
والله وكملت ..
بابو بوز اخس
عشت ايام القهوه زمان
اللى بقت دلوقت كافيه
مج الشاى ابو خمسين قرش
بقى دلوقت بخمسه جنيه
وياريت فينا.. حد لاقيه ..!!
قولت هدور على تاشيره
واطلع بقى من ام دى حيره
وانسى ان انا خريج جامعات
وهفارق ونفضها سيره
جبت شهادتى
لفيت فيها شمال ويمين
بصى ياغاليه ..
بينى وبينك عهد ومات
طال تعليقك اوى ع الحيط
مش راح اكتر ف الحكايات
مش راح اعمل فيها عبيط
فيه سفريه وعايزه لغات
ومؤهل عالى وشهادات
سفرجى اه ...
اهى تبق احسن من التنطيط
فكى ياغاليه بقى التكشيره
مش هتفيد...
بكره هتفرج
هم يومين وخلاص راح اسافر
وابدا تانى ف عمر جديد
#الاثر_المفقود
مجلة ۞ أكَََـاديمـيـــة المـلـاذ الـأدبـيـــه ۞
...
رئيس التحرير أ/ خوله ياسين
......
رئيس مجلس الإداره أ/ ياسر السمطي
