اتعودنا على الفراق................... بقلم / وفاء عبد العزيز

اتعودنا على الفراق ...من ناس كنا فاكرين إنهم أحباب ...اتعودنا على الأنين ومع ذالك صابرين ...كان فى قلوبنا حبل الأمان موصول ....أصبحنا دلوقتى ياغالب يامغلوب ...صراع بين القلوب ...ولحد دلوقتى انا المغلوب ... مش هبكى على اللى راح ولا هقول مكتوب ....بأدينا بنهدم كل شئ محبوب ....كنا فاكرين القلوب صافية ...كنا فاكرين حبل الوداد ممدود ...أتارى للدنيا صدة وياغالب يامغلوب....وأتارى الدنيا شيلانا على دماغها وزعقة....ولكن بجد للصبر حدود....خلاص القلوب بقت جامدة ....وفيها الغالب بأة مغلوب ....اهى دنيا واتعودنا تاخد منا متديش ... حتى عمرنا أصبح معدود ....أيام ولا سنين مش فارقة ....ادينا عايشين ...وللهم شايلين ....فين أيام الضحكة اللى من القلب ...اشتقنا لياليها على أمل عايشين....وبنقول اهو بكرة جى ...حتى أيام وسنين ....مش هحسبها كام لا وقت ولا زمن....دة إحنا للممات ماشيين ...عد ياعمرى الوقت واحسبى ياسنين ...عدى الكتير ما بقى إلا القليل ...وأدينا عايشين ....لا تؤاخذونى... خزعبلات واضغاث أحلام .