مسافر معاود ............... بقلم الشاعر / ناصر شلقامى

مسافر
معاود
اغنى لشمس المغارب
دمعك تشيله رياح الوداع
ولما بتعطش لشمسك شتايا
بيصبح مطر يسقى الشواطئ الحزينة الحزينة
لفراقى تضيع القوارب
اسمك يتوه وسط كل الاسامى
تصبح عنيكى جناين دموع
وريح الجنوب القوية تكسر قلوعى
بقايا حطامى تضمه رياح الشمال
وصيف الدروب المسافرة ف عروقى
يصاحب طريقك
يهز المشارق
ويجرح شروقى
ما با عشقش غيرك
يا سكة رحيلى
مهما تاخدنى المداين بعيد
وفوق الموانى
اقابل عيون
باعشق مطارح خطاكى
وضل الديار
لما بتحضن شفايفك
شفايف وجودى
ولما تعودى بشبابى
من الاغتراب
حاعلن ساعتها
فى كل البلاد
بان مماتى
فى حضنك حيصبح
شهادة ميلاد