قصيدة بالعامية المصرية 

        أعـتـقــيني  

==============

للشاعر - صابر حجازى

لساكي...يا حبيبتي   زى  ما   انتي

متغيرتيش

انانيه

وعايشة في حب نفسك

وما بتحبينيش

وانا معرفش اكون تابع

مرضاش

اكون عبد المأمور

وقت  م  تحبي

تـــــــــــقولي:-

شـيّـي

أمّشي انا  علي  طول

*   *    *    *   *   *   *   *   *  *

لساكي عايشة في وهم

من  أربعين سنة

خط  بأرليف أتنسف

ومعدش ما بين اوروبا حدود

وانتي مشيه

علي رائ المثل :-..............

* الشاطرة تغزل برجل ......*

مهواش....أنا

*   *    *    *   *   *   *   *   *  *

أحبك.....

يبق لازم أنتي تحبيني

مش لحظة

ما اقولك بحبك

تقولي:-.......

قولها تاني...؟؟

أنا عمرى م هدور

في ساقيتك

وعمرى م أسمحـلك

تغميني

*   *    *    *   *   *   *   *   *  *

زهقت أنا

من كتر ما دللتك

زهقت أنا

من كتر ماسامحتك

فاختارى

ما بين أمريين

يا تقولي:-.....

حباك  أنا

وعاشـقاك

ياما يا حبيبتي

تـعـتـقــيني