مـش ذنبـى
**********
بتحاسبونى على ذنب
مش ذنبى
انا ماليش اختيار
لا فى اسمى
ولا فى شكلى
ولا فى اهلى
ولا فى دينى
ولا فى جنه
ولا فى نار
انا مسير
من الاقدار
قدرى اعيش
فى زمن غدار
والغدر طبع
والطبع غالب
والناس كلها عيوب
بس عيبى انا غالب
الجوهر جوهره مدفونه
بس المظهر غالب
عجبى على ناس
بتحكم بالظاهر
اصلى هى دنيا
مظاهر
فيها الجواهر مدفونه
والقش على الوش ظاهر
بس ربك كريم
مابيحكمش بالظاهر
ربك رب قلوب
بس البشر ليها الظاهر