جارى التحميل
استخدم زر ESC أو رجوع للعودة
قلب الليل لية اسى وبور
وسط الظلمة بعدى بحور
وانا مجبور
امرى غريب وبجد عجيب
لية الدنيا مخاصمة الروح
لية الصوت فى الكون مدبوح
رفرف قلبى بعزم مافية
متكتف بلسان مقطوع
قدرى اعيش فى الكون مجروح
رغم براح الصمت الساكن جوه الروح
لكن بصرخ نفسى ابوح
لية مسجون متقيد صوتى
لكن برضو رغم سكويتى
نفسى بيعلى وينطق صويتى
نبرة فى حسى الساكت تصحى
صوت ترنيم واغانى حليم
رغم سواد الليل والظلمة
جوه الويل الساكن قلبى
يصرخ جوه الرحم الميت
طفل وليد بسمة بتضحك يوم العيد
رغم الظلمة ورغم سكويتى
ورغم نزيف الدم الساكن
جوه وريدى
لكن بصرخ جوه الليل
انا غلبان رتبيتى انسان
نفسى اعيش
رغم خضوعى لظلمة ليلة
لكن بصرخ رافضة الموت
رافضة اعيش مهزوم الصوت
حد بيرضى يعيش مدبوح
قلب الليل مسيكنى كمان
خلينى اعزف على الاوتار
نغمة حزينة بصوت مكتوم
رغم براح الكون دة بحاله
لكن عايشة ظلمة ليل
ليلى حزين ساكن جويا
رغم دموعى ورغم خضوعى
لكن بعزف لحن حياة
رافضة اموت وسط الليل
===================
مع تحيات جريدة أخبار نجوم الأدب و الشعر
رئيس مجلس الإدارة ورئيس التحرير الشاعر / خالد بدوي