‏الشاعر حسن احمد‏

بلاغ من مواطن
اليكم بلاغ من مواطن شريف
يا دوبك بلاقى الغموس والرغيف
بقول ف البلاغ بان المواطن
نهاره وليله ده ف الهم ساكن
ساعات العيال بتتعشى لكن
سعات ياكلو همه وانا انام خفيف
.............................................
وتعرف سعاتك
دا لو جالى ضيف
اقول اجيب شاى ولا ساقع
وامشيها شاى يادوبك خفيف
..................................
انا يا معالى الوزير الموقر
موظف حكومه ودخلى ضعيف
وساعة ماييجى المرتب بفكر
ادفع ايجار اجيب غاز انور
واجيب مرة لحمة
واجيب مرة فرخة
واجيب شاى وسكر
وافضل احاول واحسب وادور
الاقى اللى باقى بعد السداد
يكفى يومين اقول يا لطيف
..................................
وتيجى المدارس
والاقى العيال
ده بيقول هاتلى شنطه
وده يقول هاتلى جزمه
وام العيال
دى عايزالها طرحه
انا زهقت منهم وحاسس
يا ها ا سرق
يا هاشحت
يا هاتجيلى زبحه
.................................
قالوا عملنا ثوره
مشيت ف المظاهره
ومشينا دولا
ومسكونا دولا
وجت تانى ثوره
مشيت ف المظاهره
ومشينا دكهم
ومسكونا دولا
وانا فى عهد دول
ودكهم ودولا
مواطن شريف
يدوبك بلاقى الغموس والرغيف