نزلت سوق البلاد
اختار لي جنسيه
استغرب البياع
ونادي عليا
قالي قولي ازاي
ف اي شرع وملة
ازاي انت جاي
تبيع .........
جنسيه مصريه
يا عم وحياتك
نقطني بسكاتك
لو شفت اخواتك
عايشين بياكلوا
ف بعض
ونسيوا السنه
ونسيوا كمان
الفرض
هتلاقي نفسك
ف عرض
حد ينسيك اهاتك
ايوه بابيع حكايات
واحلام وذكريات
وامنيات
بابيع ماضي
وحضاره
بابيع ومهما كان السعر
برضه بخساره
بابيع شوارعها
واوجاعها
احلامي فيها
ولياليها
وكل حاره
بابيع وطن
ملوش زي
وطن من الموت
مش جي
بابيع وانا بتقطع
وعارف والله عارف
اني ف البيعه ....
راح ارجع

سيد صادق
لحظه يأس
بعد ما حرقوا العلم