‎

الأغنية الفائزة بالمركز الثاني
في مهرجان القلم الحر الرابع
بعنوان ( مش هأسأل ليه)

مش هاسأل ليه قلبك باعني
ولا هأبكي عليه وأقول خدعني

أنا هأسكت مش هأتكلم
من عمايلك دي هأتعلم
وإن جيت مرة تتكلم
كلامك مبقاش ينفعني

أنا هأبعد عنك أانسي
علي قلبك هأقدر ااسي
والجرح اللي ف قلبي منك
خلاص مبقاش يوجعني

ولا هاسأل ليه بــاعني
ولا هأبكي واقول خدعني
ولا هأستني تضيعني
وقلبك هأقسي عليه

هأسيبك كدا علي نارك
تكوي النار نهــارك
يلي قلبي اختارك
خسارة وأعمل إيه
أنا هأبعد مش هأستني
مش عايز منك جنة
يلي قلبي إتمني
والحلم جـانيت عليه

ولا هاسأل ليه بــاعني
ولا هأبكي واقول خدعني
ولا هأستني تضيعني
وقلبك هأقسي عليه