جارى التحميل
استخدم زر ESC أو رجوع للعودة
قـضـيــــت عـمــــري
قضيت عمري
في أرض النيل
وأنا صابر
تجيبني يمين
تجيبني شمال
بقول حاضر
لا عمري ف مرة
قلت بلاش
ولا زعلت
إن حظي مجاش
ولا ف يوم
ثرت ع الأوباش
وواخد م الزمن ساتر
مقضيها
في ركن بعيد
وفرحي فيها
له مواعيد
وهي في ظلمها
بتزيــد
وأقول ع الظلم
مش فاكــر
لحد ما يوم
طفح كيلها
وحبل الصمت
كبلها
صرخت بعزم
كل الصوت
جري صوتي
كما نيلها
سرى في عروقي
صحَّاني
وبين جدرانها
زلزلــــــها
الشاعر : عمرو عماره
في : 03/07/2013 م
مع تحيات جريدة أخبار نجوم الأدب و الشعر
رئيس مجلس الإدارة ورئيس التحرير الشاعر / خالد بدوي