اسرفاروق
فيها ايه
فيها ايه لونلتزم
ولبعض دايما نحترم
والوش يبقي مبتسم
واللقمة بيننا تتقسم
فيها ايه
لوما نضرب يوم كلكس
لومانمشي مرة عكس
لو نحافظ ع الطريق
لو غلطنا .. منقولش بس
فيها ايه
لما يبقي فيه نظافة
والتعامل باللطافة
والحياة تبقي لنا سهله
ونختصر بيننا المسافة
فيها ايه
لو برعنا في الصناعة
واتجاهلنا للنطاعة
واتعاهدنا نقود بلدنا
للامام بس بشجاعة
فيهاايه
لما خيرنايبقي لينا
لما ناكل من ايدينا
لما ننتج كل حاجة
ومحدش يضحك علينا
فيهاايه
لما نقضي ع الفساد
لما نسحق للكساد
لما يبقي الحب بيننا
انتشر عم البلاد
فيهاايه
لما نرحم يوم ضعيفنا
لمانملك يوم رغيفنا
لما يبقي الرأي لينا
لما نتحكم في خوفنا
فيها ايه
لما نتحسن ونقدر
وف بلدنا نقول ونفخر
وأسمها يرجع ينور
تبقي ست الكل وأكتر
فيها ايه