جارى التحميل
استخدم زر ESC أو رجوع للعودة
ف اول يوم عرفتك فيه
.. انا شكّيت
وتاني يوم قابلتك . قلت
..انا حبيت
وراح الشك ياعنيّه
..ف غمضة عين
........
مع الايام لقيت النوم
.. غدر بيّه
وخلّى كل لياليّه
تعاني قسوته فيّه
بعادك يا حبيب القلب
.. سهرني
ولولا في السما قمري
على بعدك
مصبرني
زماني كنت انا دايبه
كاني ف السهر شمعه
بدوب دمعه .. ورا دمعه
ولولا صورتك الحلوه
قصاد عيني .. تناجيني
زماني عشت ف الاوهام
وناداني وانا عطشان
سراب خالي من الميّه
اروحله .. التقيه كداب
مفيش في قلبه حنيّه
................
وراح الشك .. ياعنيّه
عشان قمري بعت لي
م الفضا .. بسمه
وصورتك يا سبب سهري
قالتلي .. عطّري النسمه
حبيب القلب .. دق الباب
وجايب لك معاه .. ورده
بلاش تبقي كده .. شارده
وخلّي فرحتك .. قايده
.... تبدد حيرة الايام .
مع تحيات جريدة أخبار نجوم الأدب و الشعر
رئيس مجلس الإدارة ورئيس التحرير الشاعر / خالد بدوي