هاقولكم يابنات ازاي تغسلي بدل جوزك في البيت وتطلع احلي من المغسله باذن الله
انا جوزي لبسه كله بدل وبيبهدلها كنت كل شوية اودي المغسله الاخر قولت لاء انا هاجرب وجربتوبعد ماكان جوزي بيقلي ماتغسليش البدل احسن تبوظيها بقي يطلب مني اني اغسلها في البيت 
هاقولكم علي الغسيل ثم الكوي ثم تنضيف الوبر
اولا غسيل البدله :البدله تنقسم لجزءين الجاكيته والبنطلونالبنطلون تغسليه علي ايديك في الحوض بسهوله وتدعكيه كويس بالمسحوق مافيهوش ازمة
انما الجاكيته بقي تعلقيها علي شماعتها وتعلقيها في الحمام وتجيبي الليفه الناعمه بتاعت غسيل التيفال ( ال6 قطع ب3 جنيه ونص )وتجيبي مسحوقك وتغسلي بيها الجاكيته وهيا مفروده زيي ماهيه من غير ماتكسريها كإنك بتغسلي السجاد بس طبعا بليفة التيفال وتشطفيها وهيا بردوا متعلقه بخرطوم المايه او بالجردل علي حسب المتوافر عندك او بالدش المتحركوتسيبيها تتصفي ثم تاخديها تعلقيها علي اي مسمسار في البلكونه وهيا بردوا علي الشماعه او ممكن تحطيها في الاوضة احيانا باعلقها علي مفتاح درفة الدولاب بعد ماتتصفي علشان ماتتعفرشولو هتحطيها في البلكونه الافضل انك تلبسيها كيس بلاستيك شفاف لمنع الاتربه
كده غسلتيها ولما تنشف هتلاقيها كأنها مكوية وماتكسرتش منك خالص
ثانيا نيجي بقي للكويالبنطلون هتبدائي بكوي الرجلين بسهوله جدا المشكله في الحجر بتاعه في ناس مبتعرفش تكويهبصي ياستي هتفتحي سوسته البنطلون وتدخلي المكواه جوا البنطلون علي الجيوب وتكوي الحجر من الداخل هتكوي علي الجيوب الداخليه هتتفرد وهتفردلك الحجر من برا
الجاكيته بقي هتكويها بسهوله مافيهاش مشكله ولما تيجي عند اللياقه ممكن تبلي قطعه قماش نظيفه ماء وتعصريها كويس وتحطيها علي اللياقه وتكويها هتظبطهالك اوي
ثالثا بقي وديت اللي بتفرق مابين غسيل البيت وغسيل المغسله
هتشيلي كل الوبر واي شعر او فتل علي الجاكيت والبنطلون بواسطه :هتجيبي بكره سلوتيب عريضه ( البكره ب3 جنيه ونص اللي بنلزق بيها الكراتين ) وتقطعي منها حته حوالي شبرين وتلزقيها علي البدله وتشيليها وهكذا لحد مايخصل اي وبر هتلاقي البدله بقيت تحفه جدا ولو عندك قطط او كلاب في البيت شعرهم بيبقي مؤرف علي الهدوم هتنضفيها باللزء
وبكده هتبقي البدله جميله جدا وهتوفري تمن المغسله
اسالكم الدعاء  واي استسفار انا تحت امركماتمني انكم تكونوا استفدتوا