انواع الورق

يوجد انواع عديده لا حصر لها من الورق
هاحاول انى اتذكر معظمهم ان شاء الله
وبعد ذلك ان شاء الله ندخل فى مقاسات الورق ثم مرحله التصميم
اولا وكما هو معروف ان الورق بنشتريه من تاجر الورق (:
واشهر مناطق بيع الورق
العتبه
باب الشعريه
عين شمس
جسر السويس (الف مسكن - العرب - الجراج) يعنى عين شمس من الناحيتين ناحية ش عين شمس وناحية جسر السويس وطبعا الاماكن سالفه الذكر مليانه مطابع وبتوع سلوفان ويوفى وتكسير .... الخ
انواع الورق
طبع : ويبدأ من 55 جم وده بنستخدمه فى الفواتير والروشيتات والليتر هيد والاظرف ....الخ ( وهو نفس الورق بتاع البرنتر او ورق التصوير)
كوشيه : يبدأ من 90 جم وده بنستخدمه فى الكروت والبروشورات والفلايرز والمجلات والاعلانات .... الخ ويتميز عن الطبع بأنه املس ومصقول
الاستيكر : وهو عده انواع ( الورق - البلاستيك - الشفاف) وده بنستخدمه فى الملصقات الاعلانيه للمنتجات زى الليبل اللى بيتلصق على علب المربى والزيتون وعلب الادويه... الخ ومنها ما يلصق على الكراتين لبيان محتوياتها
الكرتون : واوزانه مختلفه ويستخدم فى صناعه الكراتين مثل شيبسى و قلبظ ولايز ... الخ ويتخدم ايضا فى عمل علب العرض مثل شيتوس ويصنع له سكينه ويكسر على الشكل المراد وورق النتيجه
الدوبلكس : ورق ناعم من جهة وخشن من الجهة الاخرى ( مثل ورق اللوحات اللى بنشتريه من المكتبة) وده بنعمل منه اظرف معامل التحاليل ( ويمكن عملها ايضا بورق كوشيه حسب رغبة العميل وحسب التكلفه المراده) ويصنع منه لايبل الملابس ايضا (ويمكن عملها بالكوشيه ايضا او البريستول كوشيه)
البريستول كوشيه : له استخدامات عديده مثل علب الادويه ويحل محل الكوشيه فى اوقات كثيره ونغلف به الدفاتر ايضا ( وهو افرغ الورق الملون الذى نشتريه من المكتبه لعمل اللوحات)
المكربن : وهو الورق الذى نصنع منه الدفاتر والفواتير التى تحتاج الى اصل وصوره او اكثر ويوجد منه الوان كثيرة وهو ذاتى الكربون (لا نضع بين الاصل والصوره كربون)
ورق فبريانو وعجينة واسماء اخرى عديده : وهو ورق منقوش مضلع او غير مستوى السطح وبنستخدمه فى الكروت الشخصيه ودعوات الافراح وبعض اواع الليتر هيد للشركات المحترمة