((علي باب الرحيل))
علي باب الرحيل دقينا
وفراقنا مافيش عنه بديل
بقدرنا ونصيبنا رضينا
تنتهي قصة حب طويل
دلوقتي دموعنا ف عينينا
ع الخد بتنزل وتسيل
تنده علي ضحكه كانت فينا
ف ليالي اللؤا والمواويل....
علي باب الرحيل مستنيين
مين ح يبدأ بالكلام
مين ح يقول كنا حبيبين
مابينا انتهي مشوار غرام
سيلي يادمعه ع الخدين
اجرحي قلبي ف ليل ظلام
م خلاص افترقوا القلبين
يلااا يادنيا مسك الختام....
علي باب الرحيل تذكرنا
اننا ف نفس المكان
مكان بداية مشوارنا
والنبض ف القلب حان
وحكينا ف كلمات أشعارنا
عن حب وغزل وحنان
دلوقتي ح تحكي قصايدنا
دمع وفراق واحزان....
بقلم..أمل صالح
