قلبى اتقفل بقلم الشاعر / محمد السعيد

__ ( قلبي اتقفل ) __

كلمات / محمد السعيد

********************

بعد مانسيتك وشوفت طريقي بعدك
بعد ماخترت تعيش الحياه في بعدك
جايلي وفاكر إني هحن تاني
لسه فاكرني لسه فاكر وعدك

قلبي اتقفل من ناحيتك
ولا فارقه معايا محبتك
خليك عايش في دنيتك
حتى لو لوحدك

لو تفضل عمرك تترجاني
ماتعودتش اراجع قلبي
ياما بسببك عاش بيعاني
ولعذابي انا كنت مخبي

بتدور لسه على فرحتك
وانا اللي قلبي ياما اتحمل
خلاص قفلت انا صفحتك
وزي ماعشت خليك كمل

قلبي اتقفل من ناحيتك
ولا فارقه معايا محبتك
خليك عايش في دنيتك
حتى لو لوحدك