الشاعر أبو عمار المصرى
قــلـــــــم ....خــنــَّــــــا س
.........................
على فين يا قلم
يا ابو سن رصاص
ليه سايب سطرك
تتدارى
من كل حروفك
وتشخبط
ترسم خوفك
سنك مقصوف ؟
ولا عنيك مش شايفة مكانك
ما تقولشى ظروف
طول عمرك كنت واقف شامخ
ولا عمر اديك مرة اترعشت
يا قلم طافح من دمك جاف
إكتب ... ما تخاف
رسموا لى السلم بالمقلوب
درجاته عيون
وقوايمه ...قلوب
وقالو لى اطلع
لا آهاتى بتنفع
ولا تشفع
ولا عارف بانولل ..أو باطلع
وانت بتتفرج على حيرتى
بتدارى كسوفك فى الجلدة
وبتهرب من قلب الكراس
خشبك سوس
أو سنك شاخ
بقى سن يداهن ويماين
ما بقتشى رصاص
ولا قلبك جامد
وبيقطع ولا فيك إحساس
حتى بصاحبك
إلا الرحمة
وجنازة
بتدق الأجراس
يا اصحاب القلم النخاس
بيعوا اقلامكو
بيعوا كلامكو
وانا هاكسر قلمى لو يعصى
واعمل غيره من عضم نحاس
...................
بـــقــلـــــــــم ا لــــشـــــــا عــــــــــر
أ بـــــو عـــمــــــــا ر ا لـــمـــصــــــــ
