وصيتي... بقلم /إبراهيم حمدان

وصيتي
نويت في يوم ع السفر 
مش عارف رايح فين 
فاكر إنه شهر 
مر عليه سنين 
حتي كمان السهر 
خالي من الحنين 
وصارت ليالي المطر 
تروي العطشانين 
ولا حد شاف الخطر 
ولا إحنا كمان دارين 
الغربه كانت قدر 
فاكرينها يوم ويومين 
لكن راح العمر 
ولسه مش عارفين 
إن في يوم البصر 
دموعه تملأ العين 
العمر مهما قصر 
القلب برضه حزين 
نصيحه لكل البشر 
تكون صادق وآمين 
والقلب زي النهر 
محتاج للمؤمنين 
ريحتك تصير كالعطر 
تعطر الساجدين 
وتبقي زي القمر 
نورك يصير قمرين 
وأيامك كلها سمر 
تفيد البلاد والدين 
وتساعد اللي خسر 
وتبقي له معين 
واوعي عزمك ينكسر 
ولا في يوم يلين 
وخلي عيونك كالصقر 
تشوف المظلومين 
وعلمك يكون بحر 
يروي المتعلمين 
وقلبك مليان شكر 
ولسانك مع الموحدين 
وراعي اللي كبر 
وراضي المحرومين 
ولا تنسي اللي هجر 
في دعاء الصالحين 
وكل من فجر 
وأخلاقه بقت شين 
إدعيله وقت السحر 
يهديه ويبقي آمين 
وبالعلم تكون بصير 
ينورلك الطريقين 
وأمك أحسن نصير 
إسجد علي القدمين 
تلاقي في الجنه نور 
يعوضك عمرين 
واوعي مراتك تغير 
وتخسر الأمرين 
الجنه فيها حرير 
للناس المخلصين 
وبلاش تكون شرير 
وأبعد عن الوحشين 
عشان تعيش كبير 
في وسط الملايين 
وجيرانك تبقلهم منير 
ويعيشوا فرحانين 
لو واحد منهم عسير 
إعطيه ولو بالدين 
وربك كمان قدير 
خزاينه مليانين 
علي قد ما تعمل خير 
يتقلك الموازين
مع تحيات / ابراهيم حمدان