بسمة شهيد... بقلم الدكتور :صبرى إسماعيل

بسمة شهيد----ل الدكتور صبرى إسماعيل
*****
أحلام شباب والبسمة جوّاهم--والدمعة سالت تشجب الجلاميد
خيرة شبابك فى سيناء المجد----تحمى وترسم فى قلوبنا نشيد
الشيخ زوّيد والعريش تشهد-------والعم متلا وطابا والمساعيد
مصر الحضارة والإيمان فيها--------خالد كتابنا واسمها تمجيد
إوعى تخافى يابلد أبداً-------وانتِ اللى جبتى النصر بالتحديد
مهما رصاص الغدر يرمينا------هنلاقى زندك ملحمة وشديد
صوت الآذان الحلو صحّاهم----------متركّعين لله وكانوا عبيد
طالعين ونور الفجر حيّاهم--------والحِلم طاير بالأمل وسعيد
كان الوداع مليان طموح بكره-----والأمهات الصبر فى التنهيد
كان الكفاح فى عزمهم فكرة----ولا همّهم من أى صوت ووعيد
إبنك بطولة بالحياة ضحّى-------علشان يُسجَل عند ربهُ شهيد
آه يابلد من غدر خان السد-------وابن الصهاينة لمّا يبقى عنيد
يرمى شروره فوق جبال الصد------ويلفّ حبل البلطجة عربيد
ضاع من قلوبهم قيمة الأوطان----واللى آلامهم كل يوم بتزيد
ضاع من عقولهم كل شئ إنسان--ويكون عدوّك فى رفح مطاريد