انا نور عنيها ....شعر بقلم /محمد رضوان

شعر / محمد رضوان

انا نور عنيها ....

انا النني والجفون

انا المتيم انا المجنون
انا كحل رموشها
انا مش ح حوشها
لو قفلت عليا جواها
انا كل هواها ....
بهواها ... عايز رضاها
انا الصبح لجبينها ...
انا بس اللي حبيبها
محدش مني يخدها
ولا يوم يلمس ايدها
انا النغزه علي خدودها
نفسي بشفايفي اصيدها
انا الهدوء وراحتها ....
والشقاوة في حركتها
بدوب انا من ضحكتها
انا الحضن الدافي
انا اللي عمري مجافي
ولا انسي ضمتها
انا السند انا المدد لعافيتها
انا الجسر اللي اتفرد لخطوتها
انا الدم اللي جري في وريدها
حرك قلبها ... كمل حسنها
انا الهواء في بيتها
والورد علي شبكها
انا اللي اترمي في شباكها
غرق في بحر عيونها
مقدرش يقاوم موجها
انا الشاعر بكتب تملي كلمتها
اغزل أبيات العشق ووصف
حالتها ....
فرحانه وطايرة علي الشجر
لين حبها قلبي الحجر
علمني الوصال وقت السفر
انا اللي خلتني أسير
جواها