لماَّ هآن عليك جرحي داريت علي قلبي والدمع في عيني خبيت
علشان لما حبيتك بيعت كل اللي اشتروني وعليك جريت
ليه يا آسي تنسي حبي وتنسي غرامي وتجرحني واهون عليك
واللآيمين يلوموني علي صبري بعد ماكانوا بيحسدوني علي حبي فيك
ويصعب عليهم حالي وليل ونهار يسألوني فين ودك وود حبيبك اللي كان
واقول وانا بابكي وقلبي بيشكي حبيبي وبيجري في دمي وروحي من زمان
لكن انت في يوم وليله آسيت عليآ واتقلب حالك من حال لحال
وهونت عليك ونسيت اللي عملتوا علشانك لما شغلت الفكر والبال
عمري ماكنت اصدق إنه هيجي يوم
وتروح حنيتك وتأسي عليآ
وقلبي يحتار فيك وانا شايف القسوه في نظرة عنيك واكدب عنيآ
وِتّْشَمِتّْ العوازل فيآ بعد ماكانوا بيتحاكوا عن حبي وبيحسدوني
ليه تأسي عليآ وتجرح قلبي إللي طول عمره غرقان في حبك ومشغول بيك
والكل حواليآ عوازل وأحباب وحُساد
تاهو في أمر حبي وعشقي وجنوني ليك
وانت يهون عليك تهجرني وتسرق فرحتي مني وتغدر بقلبي وتبكيني
وافضل سهرآن لوحدي الليالي مستني رضاك عليآ وانت ياحبيبي ناسيني
مين غيرك وأساك عليآ ونساك حبي وغرامي ودمع الشوق گاويني
ومين أساك ونساك سهر الليالي وحلمي وحلمك إللي كُنا بنحلموا سوآ
دآ انت كنت بتصعب عليآ لمآ گان الشوق بيسهرك ويعذبك لما عنك كنت اغيب
وياما شكيت والدموع في عنيك من عذاب الحب وتقول غلبني الهوآ
وياما كنت براعي ودك وبخاف عليك واشتاق لعنيك حتي وانت مني قَريبْ
وحافظت كتير علي عهدك وصونت ودادك وانت تعذبني ببعدك ياأغلي حبيب
وكنت بآجي علي نفسي واصبر روحي لمآ تتألم من ظلمك وعذابها معاك
ولما كان قلبي ياحبيبي بيشكيلي من جفاك كنت افكروا بأيام وصالك ورضاك
ورغم العذاب في الحب والحرمان نسيت كل اللي عانيته وآسيته علشانك
وانا وقلبي نفتكر ايام فرحنا وهنانا وذكرياتنا الجميله تنسينا ليالي الهجر والنسيان
وبيني وبين نفسي كنت بابكي علي حالي في غيابك
ويصعب عليآ اللي جرالي منك وقسوتك عليآ وحرماني
واصبر قلبي وآجي علي نفسي واقول بكره يفتكر ويرجع لحضني وحناني
والشوق غصب عنه هيفكره ويرجعه ويخليه يجيني ويترجاني تاني
وانا وقلبي ننسي ايام هجره وجفاه وغصب عنآ الحب هيغفر ليالي ظُلمه
ونجري عليه انا وقلبي والشوق معانا سابقنا لحضنه
وان كان حبه معذبنا هيكون ارحم من الويل والمرار في ليالي هجره وبعده